Das er überschtunde macht
Das cha si scho verchrafte
Das er d’nächt i bars verbringt
Das find si nöd so schlimm
Aber gliich sitzt sie da i de chuchi
Vo dem irgendwie vill z’grosse huus
Und warted
Wänn du wotsch das ich bliibe – rüeft si use id nacht -
Dänn säg dasd mi willsch, lah mi zu dir, bis mit mir
Wänn du wotsch das ich bliibe – mit letschter chraft -
Dänn gib mer dini hand, nimm mer mini angscht, ich cha nüm lang
Wänn du wotsch das ich bliibe
Dänn heb mi fescht
Das er frei siis läbe läbt
Das het ihre ja gfalle
Bis jetzt
De mond lüchted hell dur es fänschter
Vo dem irgendwie vill z’leere huus
Und sie warted
Wänn du wotsch das ich bliibe…
Susch flüg i uus
In e neui främdi wält
Lah nüt meh us
So wiit de muet halt längt
Wänn du wotsch das ich bliibe…
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.