I aince had a sweetheart but noo I hae nane
He stole awa' my hairt, but I got it back again
Aye, I got it back again, aye and sae let it be
For I care nae mair for him than the waves o' the sea
Chorus:
And the sands o' the shore and the waves o' the sea
When his back is turned he's a stranger tae me
He's a stranger tae me, aye and sae let him be
For I care nae mair for him than the waves o' the sea
He gied tae me the praisent o' a braw diamond ring
He thocht it wid entise me tae gang awa' wi' him
But I wisnae as foolish as he'd taen me tae be
And I care nae mair for him than the waves o' the sea
(Chorus)
Oh he is the son o' a high lord and king
And I am but the daughter o' a pair workin' man
So it's he'll drink his wine, and I'll drink my tea
And I care nae mair for him than the waves o' the sea
(Chorus 2x)
Still I care nae mair for him than the waves o' the sea
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.