Guggu

Griaß enk, es liaba Leit, houbat es heind Zeit,

nocha liesnat's ins a bissle zua, so in åller Ruah,

weil no könna mir enk a Liadle singa!

Doch geit's då so Leit, dia houba z'viel Durscht,

dia moana, des geit heind blos a Gaude,

bei der ma sich zuasaufa ko,

dia bleiba am beschta glei dahoam!

Wer gera mit ins mål nåchdenkt, wer gera

mit ins a bissle troumt oder låcht, der isch recht.

Wenn jeder des ko, jå nocha taugt's ins o! Guggu!

Oje, und då vurna - jå derf denn des sei -

då muaß no oaner gähna, und dem souga mir glei:

Daß jeder Mensch fåscht die Hälfte von seinem Leba

gånz oafåch sinnlos verschlåft, des kheart g'schtråft.

I hoff, daß es heind am Åbad die Zeit guat nutzat.

Weil luag amål auf dei Uhr und stell dir des vur,

so drei mål am Tåg hoksch sicher am Klo.

Fünf Minuta dauert des sowieso,

isch doch wirklich schåd um d'Zeit!

Und wenn du's kapiersch und oamal probiåsch

und die Viertelstund dann multipliziersch, kimmsch du drauf:

Es sei jedes Jår - håsch es gwißt? - vier Tåg verschißt! Guggu!

Då hinta hockt oaner, der fåscht koa Wuart versteaht.

Jå, dem kånn man blos souga, daß es viele Leit so geaht!

Mir singa im Dialekt, ja, und darum klinga mir so verreckt,

doch, daß d'Leit ins versteah, des muaß doch wohl geah,

weil des isch jå it Chinesisch!

Und wenn's o akustisch manchmål a Frust isch,

optisch, då måcha mir scho eppas hea:

Oar als Teddybär und der zwoat

als Beatle mit broatem Schiebedåch!

Dia Glåtza, des isch koa Fråg, na dia isch koa Plåg,

sondern wirkt wia a Soraranlåg. Und då isch des gånze Jår,

bisch o årm, dei Wåsser wårm! Guggu!