Dr Wäg Isch S Ziel

ICH ETAPP MICH OFT WENN YCH WIEDER MOL ABSYTS HOCK

DASS MR'S VORCHUNNT ALS OB YCH STILLSTAND WIE WENN E TAXI STOPPT

DOCH S'EINZIG WON YCH EIGENTLICH JO SCHO DIE GANZ ZYT WOTT

ISCH FORTSCHRITT Z'ERZIELE NACH ÜBER ZWANZIG JOHR

ABER DAS CHUNNT NID VO HÜTT UF MORN UND EIGENTLICH ISCH'S JO SO

DASS MR ERST AM SCHLUSS ERKENNT WO'S BRENNT, ABER DENN ISCH'S SCHO Z'SPOOT/ UNSER PROBLEM ISCH, MIR KÖNNE S'GLÜCK NID AN UNS BINDE

UND PROBIERE DRUM ANDERS Z'FINDE UM UNSRI ANGST Z'LINDRE

VOR SCHLÄCHTERE ZYTTE UND ERE UNGWÜSSE ZUEKUNFT

MEINE FOLGEDESSE: RYYCHTUM BEDÜTTED, DASS ALLES GUETCHUNNT

UND SEHNE DRUM VO ALT BIS BLUETJUNG UNSER TRAUM HERBY

ABER MERKE IM GLÜCKSMOMÄNT: EIGENTLICH ISCH ER SCHO VERBII

D'VERGÄNGLICHKEIT VO UNSREM GLÜCK ISCH JO SO ALLGEGEWÄRTIG

UND BESTÄTIGT, DASS MATERIALISMUS NÜTT ME HÄR GITT

ABER WÄR WILL TROTZDÄM DRUFF VERZICHTE? YCH INBEGRIFFE

NA ALSO, HA SCHO DÄNKT NID NUR MINI EGOS SIND ZERSTRITTE

MIR SIND STÄNDIG IM DILEMMA ZWÜSCHE UMBRUCH UND STILLSTAND

WÄN FORTSCHRITT ERZIELE, AU WENN'S NID IMMER SINN MACHT

TRÄUM SIND UNSER LÄBENSINHALT, ABER Z'WENIG LÄBE SIE

WEIL SIE FALSCHI WÄRT VERFOLGE, DENN DR WÄG ISCH'S ZIEL

mir si ständig im dilemma, zwüsche umbruch u stiustand

wei fortschritt erziile, ou wes ne immer sinn macht

tröim si üsi läbensinhaute, aber zwenig läbe se

wöusi fauschi wärt verfouge, denn dr wäg isch s ziu

YCH WART UF E WINK VOM SCHICKSAL WO YYSCHLOOT WIEN-E BLITZSCHLAG

WILL STILLSTAND S'ALLERSCHLIMMSCHTI ISCH UF MINER IRRFAHRT

S'ISCH ALS OB US DÄM WIRRWARR IRGEND ÖPPER E SCHLÄCHTE WITZ MACHT

UND YCH ZUM SPIELBALL VO DR WOGE WORDE BI WIE DR SINDBAD

DOCH PLÖTZLICH BERUHIGT SICH ALLES, WIRD SOGAR ZUM RINNSAL

UND DIE GANZ SZENE WIRD ÜBERBLICKBAR WIEN E SCHWIMMBAD

ABER DR SINN BLYYBT UNUFFINDBAR, WERUM DIE TRAGIK?

S'DREIHT SICH ALLES WIEN E WINDRAD WO MI LÄBENSKRAFT AATRYBT

MI BEWUSSTSYY ISCH D'BASIS UND MACH SO VIELES MÖGLICH

DOCH FROG MI OFT: WÄR-Y NID LIEBER BESCHRÄNKT UND FRÖHLICH?

ABER YCH DÄNK PERSÖNLICH: LIEBER NOCHDÄNKLICH- DEPRESSIV

UND PROVOKATIV- EXZESSIV, ALS EINE VO DENE DEPPE Z'SYY

WO IHRI Z'HOCH GSTECKTE ZIEL - WYTT VERFEHLE

IHRI PROBLEM NID GSEHN UND SCHO FRIEH S'ZYTLICH SEGNE

AU WENN E TRAUM UNÄNDLICH WYTT ENTFÄRNT Z'SYY SCHYYNT

HÄNGT DR ERFOLG NID VOM ERREICHE AB, DENN DR WÄG ISCH'S ZIEL

MIR SIND STÄNDIG IM DILEMMA ZWÜSCHE UMBRUCH UND STILLSTAND

WÄN FORTSCHRITT ERZIELE, AU WENN'S NID IMMER SINN MACHT

TRÄUM SIND UNSER LÄBENSINHALT, ABER Z'WENIG LÄBE SIE

WEIL SIE FALSCHI WÄRT VERFOLGE, DENN DR WÄG ISCH'S ZIEL

VO NATUR US HALTE SICH SCHÖPFIG UND ZERSTÖRIG IM GLYYCHGWICHT

DOCH YCH GLAUB ME BEGRYYFT NID UND VERDRÄNGT D'YYSICHT

DASS FORTSCHRITT NID S'GLYYCH ISCH WIE WIRTSCHAFTSWACHSTUM

UND STILLSTAND KEI RUCKSCHRITT SYY MUES, DAS ISCH DR KNACKPUNKT

DENN VIELI SIND NID WACH UND KÖNNE NUR NO KOPFNICKE

WIE BETÄUBT IM MASSEGRAB VO DR TOTE HOFFNIGE

DENN SIE LÖHN SCHNÄLL DR KOPF SINKE OHNI SICHTBARE ERFOLG

USSTRÄUMT VO STATUSSYMBOL, GEBÄUD' MIT DÄCHER US GOLD

ERST ZUM HIMMEL STREBEND UND PLÖTZLICH VOM TOD BEDROHT

APATHISCH VOR OHNMACHT WIL NIEMER DR NOT ENTGOHT

WILSCH WIRKLICH SO Z'BODE GOH UND DO DRA ZERBRÄCHE,

DASS DU DI GLÜCK NID MIT ANDRE MASS ALS MIT RYYCHTUM CHASCH MÄSSE?

EINES TAGES FROGSCH DI: WAS NÜTZT MR DAS BITZLI WOHLSTAND

JETZT WON-Y S'LÄBE LANG G'KRÜPPLED HA UND KURZ VOR EM TOD STAND?