Nacht

am sunntig mittag ufstoh mit verbrennta augabraua

d'sunna schiint ins zimmer und es stinkt wien aschabechr

en gschmack im muul wie kompost und e fleckigs shirt

womer seit dasi han wella trinka doch nid alles verdaue

e leeri im portmonee, denn sus paar schlaui fraua

die hend geschter sonen bsoffna vor spendabla sorte gseh

e klises männli i mim kopf wo presslufthämmer hät und

mit de hämmer gäga mini schädeldecki hämmeret

e bitz ins wanka ko bim ufstoh und go wasser trinka

sich beschissa fühle abr trotzdem alles klasse finda

i lieb dr usgang do, i mag die lüüt ir stadt

wo um dia hüüser züchen stadt bevölkeren bis tüf ind nacht

und tüf ind gläser luagen zema reden und tanzen

sich zur musik im kreis drehen bis sie seeleverwandt sind

d'nacht veränderet alles, d'nacht veränderet mensche

in dr nacht do trifft sich e gmeinschaft ohni länder und grenze

i fiir mis woodstock in dr nacht, mit a bitz help from my friends

mit as bitz bier in my pun und a bitz geld in my pants

am tag do schloft dia stadt doch in dr nacht do isch dia stadt wach.

i knöpfa d'jacka zua und laufa richtig dunkelheit

e dunkelheit wo über d'berga sternafunkla leit

di erscht laterne kunt, di zweit di dritt

sie wiisen mir dä weg ind stadt zu mina spunta

zeigen d'route zur betrunkaheit

es isch schissikalt, mine atem neblig,

sehn scho wie mora uf dr wiisa riife strahlt

abr echt i han das gera i verwila no kli drum

und gnüsse d'atmosphära vo dr stilli vorem sturm

doch denn drüll i am volume stell uf zuefälligi wiedergab

i luega mini seria mit somna verklebta melancholischa flash

döt woni wohna ghörsch jazz,

gsehn wie langsam d'liechter lösch

und i freu mi mann

zücha mitm lied im hörer de kastaniebäum entlang

und alli verabredeta ziite verpasst

abr irgend aswo, inre verwinkleta gass

find i eu hinterme glass und denn trinkemer eis

natürlich, mer trinken au no meh

und de ganz palast vom alltag löst sich uf in guata gspröch,

das wird e langi nacht

und machen genderstar bis ima tanzpalast

in dr nacht do wird dia stadt min ankerplatz.