Hljóðs bið ek allar helgar kindir
meiri ok minni mögu Heimdallar
viltu, at ek, Valföðr! vel framtelja
forn spjöll fíra, þau er fremst um man
Sól tér sortna, sígr fold í mar
hverfa af himni heiðar stjörnur
geisar eimi ok aldrnari
leikr hár hiti við himin sjalfan
Bræðr munu berjask ok at bönum verðask
munu systrungar sifjum spilla
Skelfr Yggdrasils askr standandi
ymr it aldna tré, en jötunn losnar
Geyr nú Garmr mjök fyr Gnipahelli
festr mun slitna en freki renna
falla forsar, flýgr örn yfir
sá er á fjalli fiska veiðir
Sal sér hon standa sólu fegra
gulli þakðan á Gimléi
þar skulu dyggvar dróttir byggja
ok um aldrdaga ynðis njóta
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.