Canta pe' mme, stanotte, na canzone,
tu ca si' bella e tiene 'a voce d'oro.
Canta pe' mme, stanotte, pecchè si moro,
moro sentenno na bella canzone.
Canta na serenata 'e marenare
ch''a tantu tiempo nun se canta cchiù.
Mare! Stanotte, quanta varche a mare!
Ma tu nun cante? Ma a che pienze tu?
Pecché tu chiagne si 'a nuttata è bella,
e si' figliola, e tiene 'a voce d'oro?
Canta pe' mme, pe' mme ca' mme ne moro,
moro sentenno na canzone bella.
Canta, luntana mia, ca' si' turnata,
ca' si' turnata e nun te ne puó' ghí.
Canta, pecché te tengo 'ncatenata,
pecché tu sola mm'hê 'a vedé murí!
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.