Vón den elben wirt entsén vil manic man
Só bin ich von grózer liebe entsén
Von der besten die ie man ze friunt gewan
Wil si aber mich darumbe vên
Und zunstaten stên, mac si dan rechen sich
Unde tuo des ich si bite: sô fröut si mich
Daz min lip vor wunne muoz zergên
Swenne ir liehten ougen sô verkêren sich
Daz si mir aldurch mîn herze sên
swêr da enzwischen danne stêt und irret mich
dém müeze al sîn wunne gar zergên!
Ich muoz vor ir stên unde warten der frouwen mîn
rehte alsô des tages diu kleinen vogellîn
Wenne sol mir iemer liep geschên?
Und zunstaten stên, mac si dan rechen sich
Unde tuo des ich si bite: sô fröut si mich
Daz min lip vor wunne muoz zergên
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.