Sa isang yugto, ang rosas ay
Matutuyo, mamamatay
Katulad ng marami nang sumpaan
Sa isang puwang ng hininga
Nagbago ang isa't isa
May aalis at may isang iiwan
Tayo kaya ay magtatagal
O sing-ikli ng isang kanta
Gaano kaya kung magmahal
Hanggang kailan, hanggang saan sinta
Sa isang iglap magbabalik
Sa isang sulyap, sa isang halik
Maya-maya ay minsan pang lilisan
Minsang sumpa'y nakakalas
At sugat ay dumadalas
Paano pa, paano lulunasan
Tayo kaya, mangangako pa
Kung ang tamis di na madama
Dapat kaya, dapat pa ba
Hanggang kailan, hanggang saan sinta
Hangga't buo pa ang daigdig
At puso ko ay may pintig
Hangga't mayrong saysay ang kasaysayan
Ang tagginaw at tagtuyot
Ang tagpanglaw at taglungkot
Sa piling mo'y aking makakayanan
Hanggang tilas ay magbagong-anyo
Hanggang sila'y maging paruparo
Giliw sana'y pag-ibig mo
Katulad ng pag-ibig ko sa iyo
Hanggang ako't ika'y naririto
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.