Dovì Spiegameo

dovi spiegameo, parche' propio no ghe rivo

no stago insieme a chi te varda come un'adesivo

meio perdeo che trovarlo come amigo

catavo sto tesoro iero mi che eo'' sepeivo

desso, cossa casso che penso?

Sbrisso basso e fasso el marso, se no te comoda alsa un brasso

ma bravo, parlo arabo? Sito un tangaro che se nega su un sgaparo

o un mona che se spalma su un albaro?

Imbotio de medisine parche' teo ga dito el dotore

patio pal motore, teo paghi fando el cameriere a ore

dai beo siga, parche' ea' xe sfiga

mi come che ea' riva ea' nego co na bira

asso che i rida e come che a passa ghe vegno in boca

conosso ben ea' rassa ma mi so na figura porca

go ea' cassada senpre fresca, ti co ea' goea seca

pensa, a mi ea' me vien sensa 'ndare inserca

issiero, vero che fate sachetare xe el me mestiero

ma vero che massa se sacheta soeo che el mestiero

cossa che sia? Me giro e i oci me se ponta dosso

eo' fasso anca da rosto, pero' de pi no posso

mi? Mai in zanocio, che ghe sbocio

casomai sbatocio, mai soto torcio

no se torna indrio, no xe finio

no xe che l'inissio del mio, no so se se ga capio

senpre pronto, senpre al me posto

se fusse senpre agosto saria senpre a rodoear del rosto

ancora cua, gnancora copa', ancora pi infoia'

e ancora forse no so se me so gnancora ben spiega'

come soll'arzare, bevare come ridare

so come scrivare ste robe, si, ma a ste robe come resistare?

Cossa vuio? Mi no so cossa!Calcossa me ga da na smossa

e calcossa eo'' so xa che no scavara' ea' me fossa

specie a cuei come mi, specie che beve vin

me fasso specie che ve specie' e dopo no ve riconossi'

sora de tuto cua' e sora de tuto no se se sora

chi xe dessora se eo' sogna che me dissolva come na scora

no xente imbaea' che sbaea e pa dieze ore baea

"so in baea" - ma conteghea a naltro sta baea

dai mandiboea, cavate via da ea' me spaea

chi che se caga dosso, xe giusto che sea' spaea

capire? Go serca', porto pasiensa, si

ma co na serta selta te sacheta sensa che te vaghi inserca?

Conto so cuei come mi e conto cuei come mi

go torno cuei come mi, ma cuanti xei come mi?