Dä Pitter, dä wor eines Dachs plötzlich fott.
Erus us Kölle op nem urahle Pott.
Sing Mamm, die krät ald richtich dr Zidder,
doch dä Ühm meinte nur: "Kein Angs, dä kütt widder"!
Refrain:
Blootwoosch, Kölsch un e lecker Mädche,
dat bruch ene Kölsche, öm jlöcklich zo sin.
Blootwoosch, Kölsch un e lecker Mädche,
dat fings do nur he, en Kölle am Rhing.
2.
Hück wor'e he, un morje ald do,
doch dann wod däm Pitter no Monate klor.
Im dät jet fähle, dat sat im sie Hätz,
do es hä janz flöck Richtung Kölle jewätz.
Refrain:
Blootwoosch, Kölsch un e lecker Mädche...
3.
Doheim en Kölle, wor et ehts, wat hä sat:
Jetz e Kölsch un en Flönz, ich han lang drop jewat.
Om Kirmes, dann hät hä jet kennejeliert.
Nächste Woch ald wed Huhzick gefiert.
Refrain:
Blootwoosch, Kölsch un e lecker Mädche...
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.