Moch Kann Aufstand

Es is scho a Zeitl hea

Woa im 67a-Joa. I foa in da Tramway

Fliagt mi ana an

&quotDo schau a Beatle"

Und zupft mi an de Hoa

&quotMit dera Matrotzn", sogta

&quotSchaust ned aus wia a Mann

Bist woam, oda a Kummerl

Oda bist olls zsamm?

Dischkutian und nix hackln

Des bringst grod no zsamm."

Ea ratzt mi so lang bis i sog: &quotOida, maschia!"

Do reißt ea mia ane und da Waggon applaudiat:

Moch kan Aufstand

Drah kan Füm

Auf solche wia di

Wartens scho drübn

No ned so lang hea

Woa im 86a-Joa

I foa in da Tramway

Hea i wia ana sogt:

&quotWannst wos vo mia wüst

Lern zerscht auf deitsch Bitte sogn!"

&quotIn deiner Panier", sogta

&quotSchaust aus wia ausn Busch

Und waunn ma wo fremd is

Is ma zerscht amoi kusch

Kassiern und nix hackeln

Des kannst daham Knofl-Tschusch!"

So razt ea den andern bis dea frogt: &quotBitte was is passiat?"

Do reißt ea eam ane und da Waggon applaudiat:

Moch kan Aufstand

Drah kan Füm

Auf solche wia di

Samma nix haaß do herübn

Es is no ned lang her

I foa grod ham aus Kagran

Steig aus da Tramway

Fliagt mi a Billardschedl an

&quotSieg Heil! Kannst ned griaßn?

Mia lernan das scho!"

&quotBist a reif fias Gas", sogta

&quotMit dia waans fria Schlittn gfoan

Der Saustoi gheat ausgmist

No vua d´näxtn Wahln

Packln mit de Kanaken

Des kannst da dann maln!"

Er is auf amoi zu 7t, wia i sog: &quotBurli, geh ham!"

I siech d´Leit olle wegschaun und füh mi ganz schee allaa:

Moch kan Aufstand

Drah kan Füm

Auf solche wia di

Solltn se ned zu vü spün