Page type: lyric reference
Artist: Linton Kwesi Johnson
Canonical path: /linton-kwesi-johnson/reggae-fi-dada
Related lyric paths: 6
Lyric guide
Reggae Fi Dada
Read Reggae Fi Dada lyrics by Linton Kwesi Johnson on LyroVerse, with linked artist context and related song paths.
person
Curated by Ethan Walker
LyroVerse team
Reference snapshot
The page facts to cite before the commentary
Use this page for the lyric text, linked artist context, and any LyroVerse editor's note attached to the song. Listener comments remain user-generated and should not be treated as the primary source.
Lyrics
Reggae Fi Dada
The lyric stays readable and compact here; the note and related paths sit nearby so you do not lose the song while looking for context.
galang dada
galang gwwaan yaw sah
yu nevvah ad noh life fi live
jus di wan life fi give
yu did yu time pan ert
yu nevvah get yu jus dizert
galang goh smile inna di sun
galang goh satta inna di palace af peace
o di waatah
it soh deep
di waatah
it soh daak
an it full a hawbah shaak
di lan is like a rack
slowly shattahrin to san
sinkin in a sesa af calamity
where fear breed shadows
dat lurks in di daak
where people fraid fi waak
fraid fi tink fraid fi taak
where di present is haunted by di pass
a deh soh mi bawn
get fi know bout staam
learn fi cling to di dawn
an wen mi hear mi daddy sick
mi quickly pack an tek a trip
mi nevvah have noh time
when mi reach
fi si noh sunny beach
wen mi reach
jus people a live in shack
people livin back-to-back
mongst cackroach an rat
mongst dirt an dizeez
subjek to terrorist attack
political intrigue
kanstant grief
an noh sign af relief
o di grass
turn brown
soh many trees
cut doun
an di lan is ovahgrown
fram country to toun
is jus tissel an tawn
inna di woun a di poor
is a miracle ow dem endure
di pain nite an day
di stench af decay
di clarin sights
di guarded affluence
di arrogant vices
cole eyes af kantemp
di mackin symbals af independence
a deh soh mi bawn
get fi know bout staam
learn fi cling to di dawn
an wen di news reach mi
seh mi wan daddy ded
mi ketch a plane quick
an wen mi reach mi sunny isle
it woz di same ole style
di money well dry
di bullits dem a fly
plenty innocent a die
many rivahs run dry
ganja planes flyin high
di poor man im a try
yu tink a lickle try im try
holdin awn bye an bye
wen a dallah cyaan buy
a lickle dinnah fi a fly
galang dada
galang gwaan yaw sah
yu nevvah ad noh life fi live
jus di wan life fi give
yu did yu time pan ert
yu nevvah get yu jus dizert
galang goh smile inna di sun
galang goh satta inna di palace af peace
mi know yu couldn't tek it dada
di anguish an di pain
di suffahrin di prablems di strain
di strugglin in vain
fi mek two ens meet
soh dat dem pickney coulda get
a lickle someting fi eat
fi put cloaz pan dem back
fi put shoes pan dem feet
wen a dallah cyaan buy
a lickle dinnah fi a fly
mi know yu try dada
yu fite a good fite
but di dice dem did loaded
an di card pack fix
yet still yu reach fifty-six
before yu lose yu leg wicket
' a noh yu bawn grung here'
soh wi bury yu a Stranger's Burying Groun
near to mhum an cousin Daris
nat far fram di quarry
doun a August Town
Quick answers
What this page can answer fast
Who performs "Reggae Fi Dada"?
Linton Kwesi Johnson performs "Reggae Fi Dada", and this lyric page sits inside the Linton Kwesi Johnson catalog on LyroVerse.
Are there related songs to explore after "Reggae Fi Dada"?
Yes. The related section below points to All Wi Doin Is Defendin and Bass Culture with a short reason for opening each page next.
Where can I find more songs by Linton Kwesi Johnson?
Use the artist link near the top of the page or the related paths section below to keep moving through Linton Kwesi Johnson's lyric pages.
Song Room
Open Song Room
Interpretations, questions, and corrections for this song
Interpretations, questions, memories, and correction notes live together here. The room stays noindex while the best insights are reviewed.
Listener comments
What people are saying
No listener comments on Reggae Fi Dada yet.
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.