O dònn gh'è chí el molètta
se gh'avii el cortell coi dent
se gh'avii la forbesetta
che taja pú per nient
cortell e forbesètta
o dònn portèmej chí
no gh'è nissun molètta
che mòla mej de mí.
no gh'è nissun molètta
che mòla mej de mí.
E gira la roeuda la gira
e la gira la roeuda la va
gira gira Giovann che vègn sira
ma la roeuda la stenta a girà.
L'è on pezz che foo girà
sta roeuda innanz e indrée
ma mai podró vanzà
cinq ghèj de sto mestée
l'è inutil pensàgh sora
l'è inscí che la gh'ha de 'ndà
sta roeuda sòtt e sora
mí gh'hoo de fà girà.
sta roeuda sòtt e sora
mí gh'hoo de fà girà.
E gira la roeuda la gira
e la gira la roeuda la va
gira gira Gìovann che vègn sira
ma la roeuda la stenta a girà.
Lassem che'l mond el gira
e gira anca la luna
come i tosann de sira
in cerca de fortunna
e mí col mè carrètt
voo in gir de chí e de là:
o donn gh'è chí el molètta
se gh'avii de fa molà.
o donn gh'è chí el molètta
se gh'avii de fa molà.
E gira la roeuda la gira
e la gira la roeuda la va
gira gira Giovann che vègn
sira ma la roeuda la stenta a girà.
E gira gira gira gira gira...
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.