Medina

Suonno d'oro de stu vico addò va chistu motivo

Chissà chi ce l'ha purtato chissà chi se l'è 'nventato.

'nu miracolo c'è stato tutt''o vico s'è scetato

'a luntano dint''o scuro se senteva 'nu tamburo...

'a mugliera 'e don gaetano abballava chianu chiano

C''a tammorra murmuliava sta canzone ce cantava :

Jesce sole - jesce sole

Jesce sole oje sole...

Suonno 'e sta disperazione pe' sentì chesta canzone

Quanta gente s'è fermata tutt'attuorno s'è assettata.

E li vecchie 'ncopp''e grade e li femmene p''a strada

Senza manto e senza fronne me parevano madonne.

Dint''o vico d''a paura ride sulo 'na criatura,

C'è chi fuje 'a part'e fora ma ce sta chi allucca ancora:

Jesce sole - jesce sole

Jesce sole oje sole...

Jesce sole, scagliente 'mperatore,

Scanniello mio d'argiento ca vale quattuciento.

Jesce sole, scagliente 'mperatore,

Scanniello mio d'argiento ca vale quattuciento.

Nun chiovere, nun chiovere

C'aggia ire a movere,

A movere lu grano

De masto giuliano.

Nun chiovere, nun chiovere

C'aggia ire a movere,

Jesce sole

E 'ncantate so' sti mamme l'uocchie pierze 'a 'n'ato munno

So' venute a una a una a cantà pe' sti guagliune...

Oi fronna 'e chesta gioia sona ancora stu mutivo,

Chissà chi ce l'ha purtato chissà chi se l'è 'nventato.

E li vecchie 'ncopp''e grade e li femmene p''a strada

Senza manto e senza fronne mò me parono madonne...

Jesce .... sole ...

Alli uno alli uno 'a tre juorne sto diuno

Alli doje alli tre vienetenne 'mbraccio a me.

Alli quattro alli quattro mò to dongo e mò to schiatto

Alli cinche alli sei datemelle 'e robbe meie.

Alli sette alli sette 'o tuppo 'e mammeta dint''o vasetto

Alli otto alli nove mò te schiatto sti doie ove...