Luada

I waß, dåss g'schissn koit is, åber trotzdem miaß' ma gehn

A Taxi kånnst vergessn, då bleibt sicher kans mehr stehn

Doch die Steffi waß a Party irgendwo am Pråterstern

Auf d' Nåcht is immer alles leiwand, in da Fruah mecht ma dånn rean

Wann ålle auf mi scheißn, dånn hab i mi selber gern

Håb a Weindi und a Zeitung und ka Oaschkind kånn mi stean

Schau am Gehsteig auf die Stråßn und i siech mi in da Scheibn

Wås auf d' Nåcht so super schårf is, is am nächsten Tåg zum Speibn

Hearst, i g'spür, dass du verzweifelt bist, i merk des bei jeden Kuss

Scho' vü Stärkere san narrisch 'wordn, du bist so a hårte Nuss

Åber ans kånn i dir versprechn: Dåss i mi båid scho' schleich

Am Åbend is immer große Liebe, in da Fruah is ålles neich

Du schaust aus wie a Gespensterl, deine Augerl san gånz groß

Rennst in aner Tour auf's Heisl, stöst di söba dauernd bloß

I håb doch eh scho' längst verståndn, es geht dir wirklich ned guad

Was auf d' Nåcht des Kopferl leicht måcht, schwimmt am nächsten Tåg im Bluat

Schau, i håb wås in da Tåschn für die U-Bahn-Fåhrt zu mir

I bleib wåch, wenn du des a tuast, Pupperl, des versprich i dir

Vielleicht bringt des Gift uns um åber dånn sicher a' den Schmerz

Was am Åbend ganz normal is, bricht ma in da Fruah mei Herz

I waß nimmer, wie's begonnen håt, des Elend und des Leid

Die Gründe håbn sich ausgelöscht und a' mei gånze Freid

Es is nix, wås i empfehln tat, doch es is a Möglichkeit

Fålls am nächsten Tåg de Sun scheint, wånns am Vuatåg heftig schneit