Aloña mendi

Aloña mendi aldamenean,

guztiz leku agirian,

Oñati eder han ikusten da

zelaitxo baten erdian,

San Migeletan, hango festetan,

dantzan eta alegrian,

ai! zer egunak pasa ditugun

bizkaitarren konpainian.

Bergara ta Markina,

Mondragoi ta Oñati,

gazteria eder fina

han bai zala galanki.

Partidu ederrak jokatzen ziran

egun haietan Oñatin,

jokalari onak nola ziraden

onena zein zen nork jakin?

Batzuek zioten: "hor Bizimodu",

besteak: "biba Gereta",

mutil gogor hau azkar zebilen

harrapatzeko pilota.

Merlaet ta Mariñela,

Zugarri ta Gereta

aurrean dabilela

arrimatzen pareta(ra)

Goierri aldeko jende guztia,

lekaioka ta saltoka,

umore onean, mendiak behera,

Oñatira doa lasterka.

Ai! Zer egunak, nere lagunak.

Probintzian dira pasatzen;

oraindik ere oroitutzean

berehala naiz poztutzen.

Nere adiskide maiteak,

dibertitu gerana;

nahiago nuke balitz

ai! San Miguel eguna.

Biba Oñati, eder ta zabal,

ta bere jende atsegina.

Kanpotar danok ongi hartzeko

egin dezute ahalegina.

Herri honetan alkatea ere

da leiala ta txit ona,

danok batean esan dezagun:

"Biba gure alkate jauna!"

Agur gazteri ederra,

herri hau det maitatzen;

hemendik banoa baina

bihotza det gelditzen.