Bittersüessi Pille (feat. Dodo)

S-T-E Doppu F.

Steff la Cheffe het Superchräft.

Phänomen. Dope u fräch.

Mischle mit bi schtrub im Gschäft.

Und i flowe und i hustle.

Und i gloube a mi.

I gloube, dass i s schaffe.

Und i schaffe dran, manisch

a mim Masterplan

Money mache, Kasseschlager,

Marktvrsage, Massepanik.

Des isch e Überraschig.

Übernahm. Nid wischi waschi.

Überhoupt nid mini Masche.

Überroue di wi Pflaschter.

Cheffe a d Macht. Lug i mucke uf.

Szeneinterne Putschvrsuech.

Nimme di u dini Crew grad i Sippehaft.

I nimme di us mit mire Lippechraft.

I chume langsam, aber sicher.

I finge mi Wäg, i finge mis Ziu,

i finge mini Richtig.

Ha mini Lüt gfunge.

I ha nes Team am Schtart.

Mir hei kes Krisejahr.

Fiele amne fiise Plan.

Es louft rund, wi Riserad.

Scheffle fliissig Chis u Bars

Räppe itz für Spiis und Trank.

Brot im Buch u Sprit im Tank.

Bi für di Szene, wine bittersüessi Piue.

Auso lis zersch mau des Booklet oder d Rücksitte vor Hüue.

Des isch ke Candy-Shop. Des isch ke Apothek.

I bi ke Dealer Homie und ibi ke Prophetin.

Bi für di Szene, wine bittersüessi Piue.

Auso lis zersch mau des Booklet oder d Rücksitte vor Hüue.

Gib dir tuusig Gründ, wrum mi chönntsch liebe

u no tuusig Gründ, wrum du söttsch schiebe.

2010. I ha tuusigi Wäg.

Ha Muse u Usduur u coolere Swag.

Bi des Meitschi vo Bärn und i hate nid gärn,

doch wes würk muess si, ja de zeigi dir Zähn

Geschtr no niemer. Morn scho berüehmt.

Gloubsch des wird nüt u d Prognose verfrühet?

I bi fit, bi in Form, i ha güebt.

Schrib e Hit, Briche Brot mit de Lüt.

So wi denn mitem Dodo im Studio.

2007 ds Jahr, woni schribe.

Mini Frau und ich dusse am fiire.

Suufe und kiffe und ziehend dur Bern

und plötzli simer a dem Female-Jam

im Sous-le-pont i dr Riitschuel.

Es sich halbe läär, aber ich suech

gueti Vibes und kä bräiti Masse.

Blibe glasse. Cool wi Glacé

chunnt si ufe. Schwarzi Locke,

schöni Kurve d Haar offe.

Wiissi Hut, es Babyface,

wiissi Reebok, schwarze Blazer.

E Mischig zwüsche Business-Lady

und Flygirl. Und dann Hain endlich

ihre erschte Rhein gehört

und es hätt mi wägburnt, was si säit,

wi si flowt und wi ihri Schtimm tönt.

2007 ds Jahr, woni schribe.

Mini Frau und ich dusse am fiire.

Suufe und kiffe und ziehend dur Bern

und plötzli simer a dem Female-Jam

Steff la Cheffe uf de Bühne det

gabt so ab, dass Ichs Name gseh.

Mini Frau seiht, ich söll si produziere

und ich säge: 'Ja, ich will produziere!'

Und nach dr Show simer am Lire

scho bald druf gihts di erschte Lieder.

Und jetzt gib dr tuusig Grund,

wrum si chönntsch liebe.

Mach di bereit. Schteu di druf i.

Mache mi breit. Ds Jahrtuusig isch mir.

Futuristisch mire Zyt vorus.

Bruch ke Zytig, wöu i spitte News.

Si frage nach mir. I bi fasch berrüchtigt.

I Fahre nech i und i mach nech süchtig.

So bittersüess, wi dunkli Schoggi.

So Bittersüess, wi Rum u Coci.

So kreativ, so Ste dr Chief.

Vrbiete nech ds Muu, süsch gits eh no Beef.

Bi so attraktiv, so schwarz u wiiss,

so plakativ, das isch fasch scho priiv.

So arrogant, wi Coci-Nase

u gliich zuckersüess, so wi Schoggihase.

Bi so fett, wöu i faschte nie.

Frisse nech au, süsch chunnt dä Zaschter nie.

Z’viu Rap so handwarm, so lahm u Schtandard.

Dir bruuchet Hoffnig? Bi di neui Jeanne d’Arc.

Wi Räge ir Wüeschti, scho lang ersehnt.

Steff la Cheffe isch scho lang es Embleme.

Dir chömet nid wiitr? Des isch Päch für euch.

Mache Donner u Gwitter. Bi so fräch u neu.

Desch ke Meitli-Rap u ke Girlie-Power.

I mache di chaut, sowi Curling-Haue

I bi des Chick mitem Babyface

U d Lüüt säge:„Shit isch di Lady heiss!“

I bi so schtuur u so heimlifeiss.

I bi vrruucht aber d Bei nid breit.

Shit, lueget här i schnuure gärn.

Bi sone pubertäre Musikäär.

Des Lied isch nid deep, sondern Promotrack.

Zelebriere mi, wöu des schono fägt.