Iya Basira

Dis na one buka wey I dey like to go. The food sweet so

tey e go make your mind blow. Day and night Iya Bass!

How she do am I no no. Dem tink say na jazz, my

brother no be so.

CHORUS: People people make una come e oh, iya

basira e don jazz me oh, oh oh oh, everybody helep

save me oh, I no dey sabi chop either my mother or my

girlfriends food, People people make una come e oh,

iya basira e go kill me oh, oh oh oh, everybody helep

save me oh, I no dey sabi chop at my mother or my

girlfriends food.

VERSE 1 wetin dey be say e get one day, wey I

say I go play go see my paddy Sunday; na so I reach

there but Sunday he don high on bear, luckily for me

in junior brother eye e clear, so e say make we stroll

through the area, little did I know I was strolling to

my burial right there where Oshodi bus dey load, was a

little buka, close to the main road. I laugh when e

pass the door, he tell me say the name na "Iya Bas"

for short, but I bow when he order "iresi ati ewa,

eran umum pure water not even minerals. I come gree

say I go manage to chop am, before I realize I dey

order second round, third round, fourth round, I never

still stop wetin Iya Basira e give me chop.

VERSE 2 you think say na play when I say that

the way wey I dey (wetin do am?)e no dey okay,wetin be

your own advice, I don dey steal my paddy money to buy

Iya Basira rice even on my girlfriends birthday, wey

she dey wait make I take am to Ocean View, I no know

when I pass di place, the only thing wey dey my mind

na Iya Basiras palm oil stew, kilon kilon sele sele,

me I never see this kind, juju tele tele, all those

people wey go vex pele pele but I hear say iya basira

na xxxx xxxx I sure say still I go go their go sit

down order my first round move to second round, third

round, fourth round I no dey ever stop. Wetin iya

basira don give me chop?

BRIDGE Officer abegi follow me to the place

everybody don telle me I dey craze my girl friends don

leave me, my mother no gree see me, my paddy hmm iya

basira you don kill me.

Oya people people make una stop officer e don come

(Policeman: where the woman?)

Woman: i dey inside, oga I dey come.

Policeman: Woman wetin you dey give people chop wey

dey cause all this wahala, casala oya make we talk.

Woman: Oga sir true to God nothing wey I dey put for

the food wey I dey cook na God dey make am good. Na

which kind talk be that sey na God dey cook the food

abi you think say I be fool, no be juju you dey put?

In fact I dey suspect say na **** you wash put sotey

people dey queue come dey rush for your stew

Policeman: Well, to confirm am me I no mind make I

chop small give me fufu ninety naira plus dat soup wey

dey draw.. chai correct this food sweet no be small she

una no go vex if I still order for more

Woman: Officer no worry na de food be dis

Policeman: Oya people people make una go case

dismissed