Miña nai

Miña nai, miña naiciña

Non hai outra como a miña

Que non comía o pan

Por llo dar á súa filla

Por llo dar á súa filla

(Alalás)

Miña nai, miña naiciña

Que linda nai teño eu-e

Vendeu o seu coletiño

Para me mercalo meu-e

Para me mercalo meu-e

(Alalás)

Miña nai é unha rosa

Eu son filla da roseira

Como me hei de apartare

Da rosiña que tanto cheira

Como me hei de apartare

Da rosiña que tanto cheira

(Alalás)

Miña nai cando se deita

Sempre me repite o mesmo

Que non quere que me case

Que sen home me ghoberno

Que non quere que me case

Que sen home me ghoberno

(Alalás)

Miña nai quéreme moito

Coma a miña nai ninghunha

Pois a pobriña non come

Por me deixar boa fortuna

Miña naiciña querida

Vaste e déixasme quedare ea ea ea

Non ves que sin ti, a súa filla

Non se pode consolare ea ea ea

(Alalás)