Goizaldetik gaualdera
eguzkia zerutik erori da
berotuz ene barnea
arima lotan dudala.
Goizaldetik gaualdera
udarako elurra urtuz doa
asetuz ene egarria
arima lotan dudala.
Gaualdetik goizaldera
larrosaren arantzak ezin kenduz
iraganaren saminak
irensten al dit arima ?
Goizaldetik gaualdera
haizeak dakarkit zure irria
laztanduz ene ezpainak
arima lotan dudala.
Goizaldetik gaualdera
lur gazian ametsak erein ditut
urratuz ene bidea
arima lotan dudala.
Gaualdetik goizaldera
bihotzez bihotz zure bila noa
iragana eutsi nahiean.
Zu zinen eta zu gara gaueko
argia;
ilunabar hotz honetan nire
ilargia.
Zurekin, maitea, nire zauriak
itxi egin dira;
zu zara ene egia
su, lur, aire, ur ... zu !
Zu zara, maitea, esnatu
nauen taupada itsua;
ahaztutako maitasun haren
sua ... zu !
Goizaldetik gaualdera ...
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.