Funke

Mir gönd zäme in es restaurant

Wo mir beidi no nie sind gsi

Verzelled eus mir trinked nöd

Und bschtelled glich e fläsche wii

Reded chli z’lang über alls und nüt

Über musig und sport

Zimli verläge und zimli nervös

Keine weiss was de ander wot

Vor ufregig betrunke

Inenand versunke

Alles da aber mir warted no

Uf de allerletscht funke

Gönd in en club a d’geroldstrass

Au wänn mir gar nöd uf elektro stönd

Tanzed chli zu de eggige beats

Tüend eso wie wänn mir das chönd

Irgendwänn hört de DJ uuf

Und s neonliecht goht a

Händ gar nöd gmerkt wie spat dass s’isch

D’zit blibt im momänt grad schtah

Vor ufregig betrunke

Inenand versunke

Alles da aber mir warted no

Uf de allerletscht funke

Er flügt doch scho lang dur d’luft

I eus inne tobt en wirbelsturm

Mir händ scho lang es füür I eus entfacht

Mir bränned beidi liechterloh

Schtönd churz vor de explosion

Wer vo eus macht de erschti schritt hüt z’nacht

Und so sägi ich begleite dich

Au wänn I gar nöd I die richtig mues

Mir gönd zäme an en taxistand

Sie seit wo ane und mir fahred los

Nöch a nöch uf em rücksitz

Fahred so dur s’quartier

Hinderem berg goht d’sunne uf

Und dänn passiert’s

Vor ufregig betrunke

Inenand versunke

Eusi lippe berüehred sich

Mir schprühed nume no funke

Vor ufregig betrunke

Inenand versunke

Bränned bis hüt liechterloh

Sprüehed immer no funke