Gur tu mo bhean chomain
A chagair 's a ghaoil
Bha dualchas ud againn
Bhith gu h-amaideach faoin
Cha b'fhada leam seachdain
A bhith 'n taice ri m' ghaol
'S mi nach iarradh de leaba
A bhith againn ach fraoch
Fìor thoiseach an t-samhraidh
Ghabh mi geall ort is miagh
B'fheàrr dhòmh-sa san àm sin
Nach do theann mi ris riamh
Aig a' mheud 's thug mi ghaol dhut
Gun do chaochail mo nial
'S b'fheàrr a-nochd bhith riut sìnte
Na mìle bò chiar
'S ann am bràigh innis ruairidh
Tha mo luaidh de na mnàth
Te na gorm shùilean meallach
'S a' bhroillich ghil bhàin
Cheart cho cìnnteach 's tha'm bradan
Air an aigeal a'tàmh
Thug mi'n gaol cha ghaol brèige
Dhan euchdaig ghil bhàin
Cha tug thu dhomh reusan
Air cuir sìos air do chliù
Ged a bhithinn ga iarraidh
O' do bhialamh gu'd chùl
Bha thu sìobhalta riamh rium
'S bha do bhriathran rium ciùin
'S bidh mo chridh' ann an tòir ort
Ged bhiodh tu pòsda ri triùir
Tha mi nisd a' dol dhachaigh
'S tha mo leannan nam dhèidh
'S mi gun aithnicheadh mo chruinneag
Ann an cruinneachadh ceud
Beul meachair ni mànran
Cùl fàinneach donn rèidh
Mala chaol mar an ite
Thig o sgiath an eòin lèith
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.