Ho ro cha'n 'eil cadal orm
Cha'n 'eil m' air' air sòlas
Mo chul-thaobh ri ceòl gàire
Bho'n latha chaidh mo phòsadh
Bha m'athair is mo mhàthair
'S mo bhràithrean uile deònach
Mo phòsadh ris an t-seann fhear
O'n bha mi gann do stòras
Ho ro cha'n 'eil cadal orm
'S e 'n t-òr thug an car asam
'S e 'n seann fhear rinn mo bhuaireadh
'S e 'm pòsadh rinn mo shàruch
''S tha bhlàth sud air mo ghruaidh-se
Ho ro cha'n 'eil cadal orm
'N uair bhitheas càch 's na bàiltean
'A crathadh an cuid ghùntaibh
Bith'dh mise leis an t-seann fhear
A's srann aig air mo chùl-thaobh
Ho ro cha'n 'eil cadal orm
Comhairl' oirbhs' a chaileagan
An earail seo na diùltaibh
Gun tàir a dhean' air òigh-fhear
Ged bhith's a sporan sùmhail
Ho ro cha'n 'eil cadal orm
Cha'n 'eil m' air' air sòlas
Mo chul-thaobh ri ceòl gàire
Bho'n latha chaidh mo phòsadh
A strong comment here is specific: the phrase you keep hearing, the mood you come back for, or the reason this song stays in rotation.
Sign in to post the first listener note. Reporting stays open to everyone.